Во рамките на вториот ден од Д Фестивалот, вечерва за првпат во Дојран ќе настапи американскиот трап артист „Lil Pump“. Како што најавија организаторите, на „mosquito“ бината вечерва ќе настапат холандската група „YĪN YĪN“, српската хип – хоп група „Bad Copy“, а од македонската нова андерграунд сцена ќе настапат „Вагина Корпорација“.
Покрај „Lil Pump“, на главната сцена вечерва ќе настапат и „Peach Vice“, „Sanatorium“, LD Pistolero и DJ Goce, „Flooder“ и „Hot since 82“.
-Илјадници луѓе, илјадници кампери сликите говорат за атмосферата на првиот ден од Д Фестивал. Нѐ очекуваат уште повеќе посетители и публика на вториот ден! Панел дискусии, стенд ап, квизови, тетовирање, цртање со хена, читање на тарот карти, возење на кајак, се само дел од активности и на вториот фестивалски ден, најавуваат од Фестивалот.
![](https://mia.mk/articles/images/%D0%B0%D0%BC%D0%B5%D1%80%D0%B8%D0%BA%D0%B0%D0%BD%D1%81%D0%BA%D0%B0%D1%82%D0%B0%D1%82%D1%80%D0%B0%D0%BF%D0%B3%D1%80%D1%83%D0%BF%D0%B0lilpump%D0%BD%D0%B0%D0%B2%D1%82%D0%BE%D1%80%D0%B8%D0%BE%D1%82%D0%B4%D0%B5%D0%BD%D0%BE%D0%B4%D0%B4%D1%84%D0%B5%D1%81%D1%82%D0%B8%D0%B2%D0%B0%D0%BB%D0%BE%D1%82bC7DK/DSCegaMnm/medium.webp?use_watermark=0)
Д Фестивалот 2024 беше отворен синоќа во Дојран, а официјално ќе заврши на 30 јуни.