„Рајан Ер“ со предупредување каква боја да изберете за куферите

Чекањето багаж на аеродромите е најздодевниот дел од патувањето, што понекогаш не прави нервозни затоа што се плашиме дека никогаш нема да ни се појави куферот или дека ќе биде оштетен.

Ако вашата чанта е црна, тегет или сива, голема е веројатноста дека ќе треба да бидете особено снаодливи.

Една од најголемите европски авиокомпании „Рајан Ер“ ги предупреди патниците да не носат багаж со тие бои за да се избегне забуна за време на патувањето.

Само во јуни со оваа авиокомпанија летале 19,3 милиони луѓе на 106.000 летови.

-Погрижете се вашиот багаж полесно да се препознае, особено ако е црн, тегет или сив (што е случај во 99,9 проценти од случаите). Додадете светла лента или налепница за да не доживеете дополнителни непријатности при слетувањето – тоа е од „ерата на Рајан“.

Секако, ако го означиме куферот со некој шарен детал, полесно ќе се забележи.

Од друга страна, вработен во аеродромот во Даблин напомена дека постарите налепници треба да се отстранат од торбите за да не се „создаде забуна при скенирањето“ и дека треба да се внимава кога се ставаат шарени ленти.

Ова се донекаде спротивставени упатства, но едно е јасно – ако сакате да се издвоите од толпата и безгрижно да го чекате багажот по слетувањето, можеби е најдобро да изберете боја што не е црна или тегет.

Бизпортал.рс