Skip to content
На хартија, средствата доаѓаат од Будимпешта. Всушност, парите се дел од 1 милијарда евра позајмени на Унгарија од конзорциум кинески банки на почетокот на оваа година, пренесува од сторија од унгарската истражувачка мрежа Vsquare бугарската агенција Бгнес.бг.
Мицкоски го објави постигнатиот договор за заем, а од ВМРО-ДПМНЕ тогаш уверуваа дека нема да дојде од Кина, туку ќе биде доделена „од земја членка на ЕУ и НАТО“, пишува денеска Бгнес. Подоцна беше објавено дека тоа е Унгарија.
Бугарската агенција, пренесува дека „сумата од 500 милиони евра претставува половина од милијарда евра што Мицкоски вети дека ќе ги обезбеди по изборната победа на 8 мај. Условите на заемот вклучуваат каматна стапка од 3,25%, три години грејс период и 12 години рок на отплата, што премиерот на Северна Македонија го опиша како „исклучително поволен“.
Дипломатски извори се категорични дека двата заеми (кинескиот за Унгарија и унгарскиот за Северна Македонија) се поврзани. Според нив, првично било очекувано дека средствата ќе бидат префрлени преку Србија.
Од каде всушност парите, прашува Бгнес.
Во пролетта, унгарската влада обезбеди и целосно апсорбира 1 милијарда евра од конзорциум, вклучувајќи ги Извозно-импорт банката на Кина и унгарската филијала на Банката на Кина.
Договорот се чуваше во тајност до крајот на јули, пишува Бгнес, кога локалните медиуми го објавија врз основа на редовно ажурирање на податоците за државниот долг. Условите на тригодишниот заем со променлива стапка, вклучувајќи ги каматните стапки и условите за отплата, не беа обелоденети. Според неодамнешните коментари на владини претставници, Унгарија се обратила до своите кинески партнери за да се согласи да ги објави условите јавно.
Заемот обезбеден од Будимпешта е најголем досега во Унгарија, без емисиите на обврзници, надминувајќи ги 917 милиони американски долари обезбедени за заедничкиот унгарско-кинески проект за проширување и модернизација на железничката линија Будимпешта-Белград.
Христијан Мицкоски и неговите потчинети министри, како што ги опишува Бгнес, ги фаворизираат токму транспортните врски Грција-Севернас Македонија-Србија-Унгарија, како дел од Коридорот 10, на сметка на Коридорот 8 во насока Бургас (Бугарија) – Драч (Албанија). Дополнително, македонскиот премиер побара трансфер на средства од Коридорот 8 на 10, но неговата идеја беше категорично отфрлена од ЕУ, потсетува Бгнес.
Според Vsquare, како што наведува Бгнес, Унгарија првично се надевала дека ќе добие многу поголем заем за време на посетата на Си Џинпинг на Будимпешта во мај, како замена за замрзнатите европски фондови за земјата.
ЕУ блокираше 6,3 милијарди евра од кохезионите фондови за Будимпешта поради загриженоста за проблемите со владеењето на правото, корупцијата и недостатокот на реформи во судскиот систем. Покрај тоа, околу 2,5 милијарди евра од средствата за закрепнување се блокирани поради третманот на бегалците, дискриминацијата на ЛГБТ заедницата и повредата на академската слобода.
Владата на Орбан не ги исполни условите поставени од Европската комисија за пристап до 6,3 милијарди евра од Обновата за закрепнување и отпорност (RRF) и 3,9 милијарди евра од фазата на заем од програмата.
Фидес на Орбан и ВМРО-ДПМНЕ на Мицкоски се сојузници. Унгарија со години го крие политичкиот татко на Мицкоски – Никола Груевски, поранешен македонски премиер и лидер на ДПМНЕ, санкциониран според законот „Магнитски“. Орбан финансира медиумска империја во Северна Македонија која исфрла моќна пропаганда и омраза против Бугарија. Унгарија се подготвува да го придобие македонскиот телекомуникациски сектор, заклучува Бгнес.
Останува прашањето зошто унгарската влада обезбеди финансиска помош на странска влада во време кога и самата се соочува со огромни финансиски тешкотии. Кабинетот на унгарскиот премиер не одговори на прашањата испратени од Vsquare. Се поставува уште едно прашање – како Скопје ќе го отплаќа кредитот?
До крајот на август, унгарскиот буџетски дефицит се искачи на 103% од целта поставена на почетокот на годината, или 73% откако целта за дефицит беше подигната на 4,5%. Аналитичарите велат дека се потребни повеќе фискални мерки за да се задржи буџетскиот дефицит под тоа ниво, а можеби и уште поостри мерки за да се сведе под 3%, во согласност со целите според правилата на процедурата за прекумерен дефицит на ЕУ.
Преземено од БГНЕС
