Кој е младиот човек што беше застрелан со неколку куршуми кај Бит Пазар?

31-годишниот Алајдин Сулејмани од Арачиново им подлегна на повредите здобиени во вооружен инцидент што се случи вчера попладнето кај Бит-пазар во Скопје. Според информациите од Министерството за внатрешни работи, околу 14 часот, две групи од по пет до шест лица размениле истрели во близина на полициската станица Бит-пазар. Сулејмани, кој беше тешко повреден во престрелката, беше пренесен во скопскиот Клинички центар, каде што подоцна почина.​

Според неофицијални извори, Алајдин Сулејмани е син на Назим Сулејмани-Аруша, поранешен командант на ОНА од Арачиново, кој почина во 2018 година. Во моментов, нема дополнителни информации за мотивите зад инцидентот или за тоа дали се уапсени осомничени лица.