Skip to content
Возачот на брзата помош од Кочани, кој цела ноќ пренесуваше повредени од несреќата до Скопје, ќе биде постхумно одликуван. Тој почина откако се врати дома, легна да одмори и не се разбуди.
Министерот за здравство, Арбен Таравари, најави дека ќе се сретне со семејството на починатиот и ќе предложи негово одликување.
– Заврши огромна работа во вонредни околности, кога сите медицински екипи работеа без пауза – изјави Таравари.
Сè уште нема официјални податоци за часовите што ги поминал на должност, но министерот нагласи дека во такви моменти никој не гледа на часовникот.
