Три мајмунчиња се родија во скопската Зоолошка

Скопската зоолошка градина се пофали со принова. Се родија три нови мајмунчиња. Како што објавија од Зоолошката, ова се најбрзите мајмуни кои трчаат и до 55 км на час.

-Принова и кај најбрзите мајмуни на светот кои трчаат и до 55 км на час. Во фамилијата патаси имаме три нови бебиња. Овој вид на мајмун потекнува од африканскиот континент и живеат во поголеми групи, велат од ЗОО Скопје.

Ова е нова убава вест по приновите кај гибоните и лемурите.

-Повторно крајот на март ни донесе феномен кој се јавува кај мајките лемурки, добивме пар близначиња. Дополнително уште една лемурка стана мама. Инаку кај овој вид на животни владее матријархат, односно жената е главна, па ништо поразлично не е и во нивното живеалиште во Скопје ЗОО, соопштија неодамна од скопската Зоолошка.