На светскиот ден на бубрегот неколку совети за овој драгоцен орган: Помалку сол повеќе вода…

Секој човекк над 50-годишна возраст е изложен на ризик од развој на бубрежна болест, особено ако тие имаат дијабетес, се дебели, пушат или страдаат од хипертензија. Не е мал бројот на оние кои ги исполнуваат овие критериуми, па затоа е важно да се сврти вниманието на улогата и важноста на овој орган.
Главната улога на бубрезите е да формираат финална урина, а дополнително ја одржуваат хомеостазата на телото. Ова вклучува регулирање на водата и електролитите во нашето тело, како и регулирање на различни хормони, артериски крвен притисок и излачување на метаболички отпадни производи и штетни хемикалии.

Кога бубрезите почнуваат да откажуваат, водата и отпадните производи се акумулираат во крвта и се појавуваат други проблеми, што доведува до еден или повеќе од следните симптоми: отекување на рацете, лицето и стапалата, замор, губење на апетит, гадење и повраќање, отежнато дишење и висок крвен притисок.

За да ги избегнете овие знаци на болест, прифатете ги овие пет правила:

Лекови

Нестероидните антиинфламаторни лекови може да доведат до оштетување на бубрезите и нефролошки заболувања доколку се земаат секојдневно. Овие лекови не се опасни за вашите бубрези доколку сте релативно здрави и ги земате кога е потребно, но ако имате хронична болка поради артритис или болки во грбот и често морате да ја земате оваа група лекови, би било добра идеја да соработувате со вашиот лекар за да пронајдете друго терапевтско решение.

Шеќер

Речиси половина од луѓето со дијабетес развиваат оштетување на бубрезите, поради што е важно луѓето со дијабетес или оние во ризичните групи редовно да ја проверуваат функцијата на бубрезите. Оштетувањето на бубрезите предизвикано од дијабетес може да се спречи, или барем да се забави неговата прогресија, доколку се открие навреме.

Активност

На овој начин ќе го намалите крвниот притисок, а со тоа и ризикот од хронично заболување на бубрезите. Пешачете, вежбајте, возете велосипед и правете каква било физичка активност.

Внес на сол

Препорачаната дневна доза е помеѓу пет и шест грама дневно или околу една кафена лажичка. За да го намалите внесот на сол, треба да го ограничите и внесот на преработена и готова храна, која обично е богата со сол. Најлесно ќе ви биде ако сами си подготвувате храна од свежи состојки.

Течност

Најважно за здравјето на бубрезите е да пиете доволно течности, по можност вода. Иако студиите не утврдиле точно колку вода идеално треба да консумирате, општата препорака е помеѓу 1,5 и два литри дневно. Кога пиете доволно течности, вашите бубрези ја филтрираат солта и токсините од вашето тело, намалувајќи го ризикот од развој на бубрежна болест.