Светот во шок: Кинезите изградија зграда со 10 ката за помалку од 29 часа

Додека на многу градилишта изградбата на една зграда трае со месеци, па и години, во кинескиот град Чангша се случи нешто што изгледа како сцена од научна фантастика – стамбена зграда со 10 ката беше завршена за само 28 часа и 45 минути.

Неверојатниот проект е реализиран од компанијата Broud Group, користејќи го својот иновативен систем за модуларна градба наречен „Жива зграда“. Секој кат е изграден од фабрички произведени модули со големина на стандарден транспортен контејнер, кои претходно се опремуваат со сите неопходни инсталации – електрични, водоводни и други. Потоа се транспортираат до градилиштето и се составуваат на лице место со помош на три градежни дигалки и тим работници.

Клучниот дел од технологијата е сопствениот челичен систем на Broud, наречен B-Core, за кој компанијата тврди дека е десет пати полесен и сто пати посилен од традиционалните материјали. Дополнително, структурата е дизајнирана да издржи силни земјотреси и тајфуни, а е и високо енергетски ефикасна, со пет пати помала потрошувачка на енергија од класичните згради.

Овој подвиг отвора нови хоризонти за урбаната изградба и поставува прашања за иднината на архитектурата и ефикасноста во градежниот сектор.