Бројот на загинати во земјотресот во Мјанмар се искачи на 3.354

Бројот на загинати во земјотресот во Мјанмар се искачи на 3.354, додека 4.850 лица се повредени, а 220 се водат како исчезнати, јавија утринава локалните медиуми, пренесува Ројтерс.

Според ОН, повеќе од една третина од населението на Мјанмар сега има потреба од хуманитарна помош.

Канцеларијата на Високиот комесаријат за човекови права на ОН вчера соопшти дека хунтата го ограничува снабдувањето со помош на областите погодени од земјотресот каде што заедниците не ја поддржуваат хунтата.

Канцеларијата на ОН истражува 53 извештаи за напади на хунтата врз противниците.

Портпаролот на хунтата не одговори на повиците за коментар.

Земјотрес со јачина од 7,7 степени според Рихтеровата скала го погоди Мјанмар на 28 март, а епицентарот се наоѓа на околу 16 километри од Мандалеј, вториот по големина град во земјата.