Skip to content
Министерството за транспорт објави список со 479 лиценци од градежното работење и урбанистичкото планирање за кои се води постапка за одземање. Ова е резултат на обемна контрола на издадените лиценци, започната минатата недела.
Од вкупно проверени над 3.100 лиценци, констатирано е дека дел од правните лица повеќе не ги исполнуваат законските услови за работа, поради што ќе бидат одземени:
73 лиценци А за изведувачи на градби од прва категорија
228 лиценци Б за изведувачи на градби од втора категорија
9 лиценци А за надзор на градби од прва категорија
32 лиценци Б за надзор на градби од втора категорија
32 лиценци А за проектирање на градби од прва категорија
78 лиценци Б за проектирање на градби од втора категорија
7 лиценци Б за ревизија на проектна документација од втора категорија
3 лиценци А за ревизија на проектна документација од прва категорија
2 лиценци за управување и одржување на објекти
2 лиценци за управител на градба
13 лиценци за изработка на урбанистички планови
Министерството информира дека списокот ќе биде доставен до надлежните институции, вклучувајќи го Министерството за внатрешни работи, Јавното обвинителство и ЗЕЛС, за понатамошни постапки.
