Skip to content
Здружението за истражување и анализи (ЗМАИ), ја одбележува својата 10-годишнина со серија од 10 карактеристични настани кои ќе траат 10 недели под насловот #ПодатоцитеЗборуваат. Овие настани ќе ги прикажат нашите минати достигнувања и идни амбиции во различните области во кои дејствуваме, со перспектива на иднината за тоа што ни претстои.
Меѓу овие настани, Наградата за Млади Квантитативни Умови “Славица Тодоровска – Цаци” се истакнува како столб на нашата посветеност за поддршка на младите истражувачи. Славица Тодоровска, нашата Цаци, беше прекрасна личност која сакаше да учи нови работи, да зема учество во позитивни промени, да влијае на подобрување на општеството, а најважно од се беше вистинска другарка. Во чест на се што таа претставува за нас, сакаме да и оддадеме почит и да ја одржиме во живот нејзината идеа за подобро утре. Преку овој конкурс ќе се зачува нејзиниот визионерски поглед за подобра иднина, инспирирајќи иновативно размислување и истражување меѓу младите економисти и истражувачи.
Партнерството со Стопанска банка АД Скопје, која ја поддржува наградната програма како спонзор, ја потврдува посветеноста на банката кон развојот на младите. Поддршка на Стопанска Банка е од особено значење бидејќи Цаци ја градеше својата кариера во оваа институција и каде беше ценет професионалец. Со ова партнерство, Стопанска банка дополнително ја засилува врската со младите таленти и ја нагласува важноста на инвестициите во иднината на нашата заедница.
Цели
Во денешницата која континуирано брзо се менува, повеќе од потребен е поттик за нови перспективи и иновативни методологии. Важноста на младите со нивниот творечки елан и ум кој ги преминува границите на конвенционалното размислување и желбата за нови хоризонти, не може да биде преценета. Со оваа награда, целиме да поттикнеме култура на инвентивно размислување и истражување. На тој начин се стремиме кон добивање иновативни идеи и креирање решенија со предизвиците со кои се соочуваме во земјата и регионот. Преку овој конкурс не само што ги поддржуваме напредните визии на нашата младина, но исто така се надеваме дека во иднина ќе ги катализираме трансформативните промени во економските теории и практики. Конечно, таа има за цел да изгради заедница од млади истражувачи посветени на напредувањето на полето, создавајќи мрежа преку која ќе се олеснува соработката, споделувањето на знаења и професионалниот раст.
Критериуми за учество
· Кандидатите мора да се државјани на Република Северна Македонија на возраст до 35 години и да се главни автори на трудот.
· Кандидатите мора да поднесат научни и истражувачки трудови, одбранети магистерски или докторски тези, кои мораат да имаат квантитативна анализа.
· Истражувањето треба да покажува оригиналност, методологија и релевантност со тековните прашања за земјата или регионот.
Детали за Наградата
· Победник: Парична награда од 1.000 евра и плакета.
· II место парична награда од 300 евра.
· III место парична награда од 200 евра.
· Учесници: Сертификати за признание.
· Дополнителни можности: Вмрежување со професионалци, покани за презентации на настани на ЗМАИ, и можни менторски програми.
Процес на Аплицирање
· Поднесување: Кандидатите мора да го поднесат својот труд заедно со својата биографија преку онлајн апликациска форма.
· Оценување: Комисија од експерти ќе ги прегледаат поднесоците врз основа на оригиналност, методологија и практична релевантност.
· Селекција: Најдобрите кандидати ќе бидат избрани и поканети на интервју или онлајн презентација на нивниот труд
· Доделување на наградата: Победникот ќе биде објавен за време на годишниот настан на ЗМАИ.
Рокови:
· Краен рок за поднесување: 30 септември
· Период за евалуација и селекција: 01 септември – 20 октомври
· Објавување на победникот: 21 октомври
· Доделување на наградата: 22 октомври
Важна напомена:
Комисијата го задржува правото да не избере трудови кои ќе бидат наградени доколку оцени дека ниту еден бриф не ги исполнува критериумите. Во тој случај ЗМАИ ќе го поништи конкурсот.
