Skip to content
Москва му додели азил на поранешниот сириски претседател Башар ал Асад, кој сега се наоѓа во Русија. Портпаролот на Кремљ, Дмитриј Песков, потврди дека рускиот претседател Владимир Путин лично донел одлука за доделување азил, но не откриваше дополнителни детали за локацијата на Асад. Песков истакна дека нема најавени официјални средби помеѓу Путин и Асад.
Русија, исто така, му обезбедила засолниште и на семејството на поранешниот претседател на Србија, Слободан Милошевиќ, кој беше обвинет за воени злосторства. Сопругата на Милошевиќ, Мирјана Марковиќ, избега во Русија по екстрадицијата на Милошевиќ во Хаг, а со неа живееше и нејзиниот син Марко. Марковиќ, која беше обвинета за корупција и криминал, помина 16 години во Русија, каде и почина во 2019 година.
Истото засолниште го нашол и Аскар Акаев, соборениот претседател на Киргистан, кој избега во Москва по протестите во 2005 година. Слична ситуација имал и сепаратистичкиот лидер Аслан Абашиџе од грузискиот регион Аџарија, кому му била обезбедена помош од тогашниот градоначалник на Москва.
Меѓутоа, не сите бегалци биле прифатени од Русија. По падот на Источна Германија, Ерих и Маргот Хонекер побегнаа во Москва, но беа вратени во Германија од претседателот Борис Елцин. Во 1998 година, Абдула Оџалан, лидерот на Курдистанската работничка партија, се обиде да побегне во Русија, но бил испратен во Африка, каде што бил уапсен.
Во 2013 година, Едвард Сноуден, поранешен соработник на американските разузнавачки служби, доби азил во Русија. Сноуден, кој ја откри тајната програма на АНСА, продолжува да живее во егзил во Русија.
Последниве години, Русија одобрила азил за повеќе од 400 странци од земји кои се сметаат за непријатели на Русија, а најголемиот дел од нив дошле од Германија, Латвија, Литванија, Естонија и Канада.
