Skip to content
Третиот понеделник во јануари се смета за најдепресивен ден во годината. Иако нема научни докази за да го поткрепат ова тврдење, таканаречениот „Blue Monday“ стана популарна тема во медиумите, а многумина се согласуваат дека овој ден носи одредени предизвици.
Дваесети јануари е денот кој најмногу би сакале да го преспиеме. Тогаш се соочуваме со натрупаните долгови и неисполнети ветувања, кога повеќето сфаќаат дека не можат да ги остварат новогодишните одлуки, како на пример: да се откажат од цигарите, да ослабат или да најдат дополнителна работа.
Концептот го создал британскиот психолог Клиф Арнал во 2005 година, користејќи формула која вклучува фактори како временски услови, финансиски притисоци, ниска мотивација и чувство на замор.
Формулата е: [W + (D – d)] x TQ / M x Na
- времето
- D: долгови
- d: месечна плата
- T: време од Божиќ
- Q: напуштање на новогодишните одлуки
- M: мотивација
- Na: потреба за акција
Иако формулата е критикувана за недостиг на научна основа, таа укажува на комплексноста на факторите кои влијаат на расположението.
Пократките денови, враќањето во рутина и финансиските предизвици придонесуваат за депресија. Јануари често го отежнува чувството на постигнување, што влијае на самодовербата.
Како да го подобрите расположението?
- Свеж воздух: Прошетка или изложеност на природна светлина може да помогнат.
- Поврзување со блиски: Разговорот со сакани го намалува стресот.
- Мали цели: Фокусирајте се на помали задачи за чувство на успех.
- Време за себе: Направете нешто што ве радува.
- Благодарност: Запишете нешто позитивно во вашиот живот.
- Вежбање: Физичката активност го зголемува нивото на ендорфин.
Важно е да запомните дека не сте сами и дека постојат начини да го подобрите расположението дури и на „тажен понеделник“.
