Skip to content
Основното јавно обвинителство – Скопје поведе постапка против 37-годишен скопјанец осомничен дека два месеца изнудувал пари од жена која живее во странство. Според обвинителството, тој телефонски и преку апликации ѝ упатувал сериозни закани по нејзиниот живот и по животот на нејзините мајка и брат, барајќи 15.000 евра.
На оштетената ѝ дал рок до 26 септември; таа на 17 септември му испратила 500 евра преку „Вестерн јунион“. Дополнителни 4.500 евра требало да му ги предаде лично пред Клиниката за онкологија во Скопје. Кога жената пристигнала на 25 септември и случајот го пријавила, осомничениот бил уапсен при доаѓање на договореното место. Јавен обвинител побара притвор поради опасност од бегство, влијание врз сведоци и повторување на делото.
