Skip to content
Со удар на ѕвоното во 8:30 часот почна чинот на осветување на новиот храм „Св. Константин и Елена“ во срцето на Скопје. Чинот го предводеше архиепископот Охридски и Македонски г.г. Стефан, во сослужение со владици на МПЦ–ОА, пред мноштво верници, свештенство и претставници на државниот врв, партиите и дипломатскиот кор. Надвор од храмот беше поставен видео-бим за следење на богослужбата.
Верници се собираа уште од рано утро, а атмосферата беше празнична. Храмот се градеше повеќе од една деценија со поддршка од МПЦ–ОА, донации и локална помош, како долгогодишен проект на заедницата.
Изградбата започна во 2012 година и траеше 13 години; во 2024 беа финализирани внатрешното уредување, фасадата и уредувањето на околината.
