Фатени на дело: млади палеле кабли во парк во Аеродром

Две момчиња од Трубарево викендов завршија во полиција откако биле затекнати како палат кабли во парк на булеварот „Февруарски поход“ во Аеродром.

Според информациите од МВР, уапсени се Т.М. (23) и И.М. (26). Пријавата ја поднел вработен во Општина Аеродром, кој сведочел на местото каде што тие предизвикувале оган и чад.

Полицијата веднаш реагирала, ги лишила од слобода и ги задржала во станица. По целосно документирање на случајот против нив ќе биде поднесена кривична пријава за „предизвикување општа опасност“.