Конвенција на Партијата на Хрватите во Македонија

Партијата на Хрватите во Македонија, вчера вечер ја одржа свечената промотивна конвенција на која присуствуваа претставници на Владата на Македонија, амбасадорката на Р.Хрватска во Македонија Нивес Тигањ и воедно пратеник на министерот за наворешни и европски работи на Р.Хрватска, Гордан Грлиќ Радман, директори на институции, членови на дипломатскиот кор и бројни гости од јавниот и политичкиот живот, се наведува во соопштението од Партијата на Хрватите во Македонија.

„Посебна чест беше присуството и обраќањето на Амбасадорката на Република Хрватска во Македонија вооедно и пратеник на Министерот за Надворешни и Европски работи на Р.Хрватска Н.Е. Нивес Тигањ, која во својот говор го честиташе основањето на “Партијата на Хрватите во Македонија” посака успех во работата. Исто така ја истакна традиционално добрата и пријателска соработка помеѓу двете држави, подвлекувајќи ја важноста на заедничките европски вредности и поддршката што Хрватска ѝ ја дава на Македонија на патот кон Европската Унија“, соопштуваат од партијата.

Тие појаснуваат дека со видео обраќања подршка на партијата дале и пратеникот во Собранието на Црна Гора и Претседател на партијата Хрватската граѓанска иницијатива, Адријан Вуксановиќ, пратеничката во Саборот на Р.Хрватска и претседател на Хрватскиот национален совет во Р.Србија. Јасна Војниќ, која се обратила и во име на претседателот на Саборот на Р.Хрватска, Гордан Јандроковиќ и претседателата на Комисијата за Хрвати вон Р.Хрватска, Здравка Бушиќ. Имало обраќање и на пратеникот во Европскиот парламент, Карло Реслер.

На конвенцијата се обрати и претседателот на Партијата на Хрватите во Македонија Ненад Немет, кој зборувал за стратешките цели на партијата – зачувување и унапредување на хрватскиот идентитет, јазик и култура, како и активното вклучување на Хрватите во политичкиот, општествениот и културниот живот на државата.

„Хрватите се лојални граѓани кои активно придонесуваат за општествениот развој и зајакнување на демократските процеси во земјата. Ја истакна и важноста од градење мостови на соработка и меѓусебно почитување меѓу различните заедници во Македонија, при што Хрватите се горд дел од мултикултурното ткиво на државата. Конвенцијата претставуваше важен момент за натамошно јакнење на врските меѓу хрватската заедница и институциите во Македонија, како и поттик за понатамошна подобра соработка со Република Хрватска“, се вели во соопштението.