Skip to content
Според прогнозата на Управата за хидрометеоролошки работи (УХМР), денеска времето ќе биде претежно облачно со повремени врнежи од дожд. На одделни места врнежите ќе бидат поројни и пообилни, со можност за појава на грмежи. Во текот на денот, во одредени региони може да наврнат повеќе од 30 литри дожд на квадратен метар.
Температурите ќе се движат меѓу 6 и 18 степени, додека во Скопје се очекува облачно време со врнежи кои ќе се засилат во попладневните часови. Максималната температура во главниот град ќе достигне до 17 степени.
И утре, во вторник, ќе има локални врнежи од дожд, особено попладне. Од среда, пак, се очекува стабилизација на времето — деновите ќе бидат суви и сончеви, но со посвежи утрински температури.
