Skip to content
Јужна Кореја постигна историски договор со САД за изградба на флотa нуклеарни подморници, со што станува шестата земја во светот со таков капацитет. Овој потег доаѓа во време на зголемени напнатости на Корејскиот полуостров, поради заканите од нуклеарно вооружената Северна Кореја и растечката моќ на Кина.
Според Белата куќа, САД ќе помогнат во набавката на гориво и ќе соработуваат во изградбата на “нападни подморници”, кои ќе бидат побрзи и со поголем домет од досегашните дизел-подморници на Јужна Кореја. Досега, Сеул поседува околу 20 дизел-подморници, но нуклеарните ќе можат да остануваат под вода подолго време и ќе овозможат значително подобрување на одбранбените способности.
Претседателот на Јужна Кореја, Ли Џе Миунг, истакна дека подморниците се неопходни за да се одговори на нуклеарната програма на Северна Кореја, која веќе развива сопствени нуклеарни подморници. Јужнокорејскиот министер за одбрана, Ан Гју-бек, изјави дека новите подморници ќе бидат „гордост и значаен исчекор во јакнењето на одбраната на земјата“.
Експертите предупредуваат дека ова ќе го зацврсти трката во вооружувањето во источна Азија, каде што нуклеарното оружје на Северна Кореја е веќе реалност.
