Нарачале Дизни чорапи од Тему – добиле урнебесна грешка што ги насмеа до солзи

Еден брачен пар доживеал вистинска онлајн-комедија откако пристигнал пакетот што сопругата го нарачала од познатата буџет-платформа Temu. Намерата била едноставна – симпатични Дизни чорапи за патување во Дизниленд. Но она што го добиле било далеку повесело од очекуваното.

Во видеото што го споделија на TikTok, сопругот ја покажува нарачката која на прв поглед изгледа сосема нормално, сѐ додека не се погледнат – имињата на ликовите.

Така, Чип од „Chip and Dale“ станал „Chib“, Мики Маус е претворен во „Mikey“, Мини Маус во „Mimnee“, Доналд Дак во грмотевично чудниот „Tonaid“, а Пиглет од „Winnie the Pooh“ добил сосема нов идентитет – „Bigeet“.

Коментарите на корисниците не запреа. Некои сметаат дека ова е намерен потег за да се избегнат тужби за авторски права од Дизни. Други предлагаат поекзотично објаснување: можеби имињата биле адаптирани на друг јазик – како што, на пример, Доналд Дак на фински се вика Aku Ankka.

Што и да е, ова е само уште еден пример зошто Temu има цел океан на „промашувања“ кои стануваат вирусни – и зошто купувањето евтини Дизни чорапи може да заврши во сосема неочекувана комедија.