Супер грипот A/H3N2 откриен и во Романија

Вирусот на грип A/H3N2, познат како „супер грип“, кој веќе неколку месеци циркулира во европските земји и неколку држави од Источна Азија, е откриен и во Романија, соопшти Националниот институт за јавно здравје (INSP).

Ризикот од тешка болест е најголем за лица над 65 години, за луѓе со хронични болести на метаболизмот, белите дробови, срцето, мускулно-скелетниот систем, за трудници, имуносупресирани лица и за оние кои живеат во установи за долгорочна нега. INSP истакнува дека вакцинацијата продолжува да нуди заштита од тешки форми на болеста.

Европските здравствени системи секоја зима се соочуваат со голем притисок поради респираторни вируси, особено грип, SARS-CoV-2 и RSV. Во типична сезона, грипот предизвикува до 50 милиони симптоматски случаи и меѓу 15.000 и 70.000 смртни случаи годишно во Европа.

Лекарите апелираат до граѓаните да се вакцинираат, особено ранливите категории, со цел заштита од потешки форми на болеста.