Најмалку 41 лице загина во напад со дрон во Судан, меѓу нив има и деца

Над 41 лице биле убиени вчера во напад со беспилотно летало во областа Абу Шанди, во суданската покраина Син Нил, во близина на границата со Етиопија.

Меѓу загинатите се осум деца и неколку жени, објави организацијата за човекови права „Emergency Lawyers“, пишува АП .

Организацијата за нападот ги обвинува Силите за брза поддршка (RSF), паравоена група која се бори против суданската армија од 2023 година. Група раселени лица беа нападнати, а десетици беа повредени. Канцеларијата на ОН за координација на хуманитарни прашања изрази негодување поради нападот, а координаторката за хуманитарни прашања на ОН во Судан, Дениз Браун, повика на одговорност за сторителите.

Војната во Судан трае од април 2023 година. Според ACLED, досега се убиени најмалку 150.000 луѓе, а хуманитарните организации предупредуваат дека реалниот број би можел да биде значително поголем.