Skip to content
Американскиот претседател Доналд Трамп објави дека погубувањето на Нидал Хасан, осуден за пукањето во Форт Худ, нема да се емитува во живо, со што ја поништи одлуката објавена од Пентагон минатата недела.
„Нидал Малик Хасан, поранешен мајор на американската армија кој стана предавник, е многу лош и злобен човек кој уби 13 лица, вклучувајќи бремена војничка која почина заедно со нејзиниот нероден син, и сериозно повреди 32 други невини луѓе.“
Федералното биро за истраги (ФБИ), под администрацијата на Барак Хусеин Обама, пресретнало електронски комуникации меѓу Хасан и радикалниот јеменско-американски проповедник Анвар ал-Авлаки. Кога работната група на ФБИ за борба против тероризмот ги прегледала комуникациите, истражителите заклучиле дека е-поштата на Хасан не претставува закана.
„Тој потег на администрацијата на Обама подоцна беше оценет како еден од клучните неуспеси на разузнавањето“, напиша Трамп на социјалната мрежа Truth Social.
„Членовите на семејствата на жртвите ќе можат да присуствуваат на егзекуцијата“
„И покрај сето ова, мислам дека емитувањето на егзекуцијата во живо за сите да ја гледаат би можело да има моќен ефект на одвраќање и да му покаже на светот како Америка се бори против терористите и SCUM како Хасан. Сепак, многу многу добри луѓе со добри намери би сакале да не го гледаат како умира, без разлика дали преку пренос во живо или преку некои други визуелни средства.“
Тој ќе биде погубен со стрелање, како што е планирано, но овој настан нема да се емитува. Сепак, членовите на потесното семејство на жртвите ќе можат лично да присуствуваат на погубувањето доколку сакаат. Тие заслужуваат да бидат сведоци на ПРАВДА! Ви благодарам за вашето внимание на ова прашање“, додаде тој.
Си-Ен-Ен: Трамп не знаел дека Хасан е парализиран од половината надолу
Си-Ен-Ен претходно оваа недела објави дека претседателот и неговите советници разговарале за можноста за откажување од планот за емитување на егзекуцијата во живо, при што Трамп наводно во приватни разговори рекол дека првично не знаел дека Хасан е парализиран од половината надолу.
Во 2009 година, Хасан уби 13 невооружени американски војници и рани уште 32 во воена база во Тексас. Неговата егзекуција со стрелачки вод би била првата воена егзекуција по повеќе од 60 години.
