СДСМ тврди дека Симе повторно е со Мицкоски во Брвеница

СДСМ објави нова фотографија за која тврди дека го прикажува С.З., познат како Симе, со премиерот Христијан Мицкоски во Брвеница. Портпаролката Богданка Кузеска побара обвинителството да испита зошто тој е на слобода.

„Еве го повторно со Мицкоски. Нова слика од вчера, додека Мицкоски дава изјава“, рече Кузеска на денешната прес-конференција.

Според Кузеска, Симе е осудено лице, претходно уапсено со дрога, оружје, муниција и пари. Таа обвини дека тој работи за ВМРО-ДПМНЕ во Брвеница и им се заканува на граѓаните. Партијата потсети дека и претходно објавувала негови фотографии со Мицкоски и побара одговор кој одлучил тој да биде пуштен на слобода.

МВР на 28 јануари годинава соопшти дека во полициска акција во Брвеница биле уапсени пет лица, а при претресите биле пронајдени дрога и оружје.