Бројот на загинати во израелскиот напад врз камп за раселени лица во Рафа се зголеми на 45

Бројот на загинати Палестинци во израелски напад врз камп за раселени лица во градот Рафа, во јужниот дел на Појасот Газа, нарасна на 45, а меѓу убиените најмалку половината се жени, деца и постари лица, соопшти Министерството за здравство во Газа, пренесоа британските медиуми. 

Агенцијата Вафа наведе дека најмалку осум ракети погодиле шатори во северозападниот дел на градот, каде што се сместени раселените Палестинци. 

Меѓународниот комитет на Црвениот крст соопшти дека нејзината теренска болница во Рафа прима голем број повредени, а голем број пациенти примаат и други болници.

Високиот функционер на Хамас, Сами Абу Зухри, нападот во Рафа го опиша како „масакр“. 

Израелските одбранбени сили (ИДФ) објавија дека извршиле прецизен напад врз комплексот на Хамас во градот Рафа, каде што се собирале високи функционери на палестинската милитантна група, објави Тајмс оф Израел. 

ИДФ подоцна објави дека в