Кој е Иванишвили, руската продолжена рака во Грузија? Има 7,5 милијарди долари, а започнал како чистач во фабрика

Русите си обезбедија континуитет на своетп влијание во Грзија – милијардероти лидер конзервативната националистичка партија Бидзина Иванишвили

Тој и неговата партија обезбедија 54,09 отсто од гласовите по речиси сите пребројани гласачки ливчиња, објави во неделата во главниот град Тбилиси изборниот функционер Ѓорѓи Каландаришвили.

Неколку проевропски опозициски коалиции не ги признаваат прелиминарните резултати и најавија протести.

Резултатите се удар за прозападните Грузијци, кои ги поставија изборите како избор помеѓу владејачката партија која ги продлабочи врските со Русија и опозицијата која се надеваше на забрзана интеграција со Европската унија.

Грузиската партија на Иванишвили декларира дека сака Грузија да влезе во Европската унија, иако Брисел вели дека барањето за членство е замрзнато поради авторитарните тенденции на партијата Грузиски сон, пренесува Индекс.

Кој е Бидзина Иванишвили?

Сопственик на замок и најмоќниот човек во Грузија, поседува околу 7,6 милијарди долари или четвртина од БДП на неговата земја. 68-годишниот тајкун доминира со грузиската политика повеќе од една деценија и беше избран за премиер на бранот на народното незадоволство во 2012 година, пред да се врати во сенка.

Популистичката партија финансирана од Иванишвили – „Грузиски сон“ – има речиси неограничено влијание врз владата. Според неговите критичари, партиските заменици и министри му должат лојалност само на Иванишвили.

Започнал како чистачка во фабрика

Многумина се прашуваат како Иванишвили – поранешен металски работник и банкар со силни врски во Москва – дојде до толку голема моќ во земја позната по својот револуционерен дух.

За да се искачите на позиција на моќ обично се потребни пари, а во деновите на казино капитализмот и хаосот што следеше по распадот на Советскиот Сојуз, можеше да се заработат добри пари. Иванишвили е роден како син на рудар во сиромашно село на периферијата на Советскиот Сојуз.

Работел како чистач на фабрики додека студирал, прво за инженерска диплома во главниот град на Грузија, Тбилиси, а подоцна и економија во Москва. Сепак, кога дипломирал, академските дипломи не вределе повеќе од хартијата на која биле испечатени. Младиот Грузиец се проби со продажба на електроника и конечно ја основа својата банка „Росијски кредит“ со седиште во Москва.

Кога западнал во неволја со организираниот криминал, се обратил за заштита на руската влада, каде што стекнал моќни пријатели. Во Русија во 1990-тите, ваквата соработка со безбедносните служби по правило значеше доживотна посветеност на Кремљ, пишува Политико.

– Кога соработувате со владата или со безбедносните служби, тие никогаш нема да ве испуштат од пред очи – изјави Ирина Бороган, експерт за методите на руските безбедносни служби.