„Последните случувања со тепачките и инцидентите меѓу навивачите на Левски Софија и Шкупи се детерминирани (ин)директно и од реториката на опозицијата која сее меѓуетничка омраза, страв и конфликтност во општеството. Не верувам дека некогаш ќе се „вразуми“, односно ќе го смени својот ментален чип. Тоа е посилно од нив како партија, членство и раководство“, изјави за Фронтлајн политикологот Благојче Атанасоски.
Острата политичка реторика, националистичка, омаловажувачка и понижувачка кон нејзините политички противници на опозициската ВМРО-ДПМНЕ, доведува до случаи на вербално и физичко насилство, како што беше последниот случај на невоздржано насилство од бугарски навивачи во Скопје, велат политичките аналитичари – зборувајќи за политички речник на македонската опозиција.
„Реториката односно секојдневените плукања по секој што не следбеник на политиките на ВМРО-ДПМНЕ, не само што нема да сапре туку мислам како минува времето се повеќе ќе се засилува. Предводник на таа би рекол запалива реторика е врвот на партијата, нервозна што и по повеќе од една година секојдневнотрубање од страна на нивниот лидер „Избори час по скоро“, тие сепак очигледно ќе се одржат до година на редовниот термин. Нивната нервоза и трка за рејтинг ја пренесоа меѓу граѓаните, а во тоа за жал имаат голема помош и од медиумите“, вели во изјава за Фронтлајн Ацо Кабранов, новинар и познавач на политичките случувања во земјава.
Според него, ВМРО-ДПМНЕ имаат едиствена цел, да се вратат на власт за да ги спасат сопартијците против кои се водат судски и истражни постапки за злоупотреби во време на режимот на Груевски.
„Да се патриоти што себеси се нарекуват нема да ја кочат државата на патот кон Еу, со изговор дека же сме се бугаризирале и условот уставни измени бил бугарски диктат. Си играт со чуставата на народот и жално е во 21 век им поминува ова“, нагласи Кабранов.
Политикологот Благојче Атанасоски смета дека опозицијата, постојано игра на националистичка, потпалувачка и конфронтирачка реторика, прво зошто тоа и носи поени, второ затоа што тоа едноставно и е во „крвта“.
„Не може ВМРО-ДПМНЕ да биде нешто што не е: модерна, конзервативна европска демохристијанска партија со умерена политика која ќе се грижи пред се за државните, наместо за партиските интереси. Последните случување со тепачките и инцидентите меѓу навивачите на Левски Софија и Шкупи се детерминирани (ин)директно и од реториката на опозицијата која сее меѓуетничка омраза, страв и конфликтност во општеството. Не верувам дека некогаш ќе се „вразуми“, односно ќе го смени својот ментален чип. Тоа е посилно од нив како партија, членство и раководство…“, вели Атанасоски за Фронтлајн.
Приведени се дваесет и едно лице пред фудбалскиот напревар меѓу Левски и Шкупи, а за инцидентот во Чаир, каде има и едно приведено лице, идентификувани се повеќе напаѓачи и за скоро време деталите за овој инцидент ќе бидат соопштени, изјави денеска министерот за внатрени работи Оливер Спасовски.
„Тоа беше меч оценет како меч од висок ризик. Меѓутоа, морам да кажам дека од почетокот на мечот до неговото завршување практично и да немавме некаков инцидент. На почетокот при влегувањето имавме една група на навивачи кои дојдоа од соседна Бугарија и кои практично се однесуваа насилно кон припадниците на македонската полиција. Приведени се вкупно 21 лице, од кои 19 бугарски државјани и двајца македонски државјани кои се приведени и биле дел од навивачката група на Шкупи“, рече Спасовски, одговарајќи на новинарски прашања по поставувањето на камен-темелник на новиот објект на полициската станица во Аеродром.
Регираа и од ЦИВИЛ – Центар за слобода: изјавуваат дека со загриженост ја следат ситуацијата и изразија крајна згрозеност од екстремниот говор на омразата.
“Ова што го гледаме на спортските трибини, претставува своевидно киднапирање на спортот за потреби на екстремниот национализам. ЦИВИЛ бара од релевантните институции во нашата земја, како и во Бугарија, да го санкционираат ваквото однесување на спортските терени.“
Дестан Јонузи (Frontline)
