Skip to content
Воениот аналитичар и поранешен воен пилот на ОК, Шон Бел опишува како клучните карактеристики на видео снимката од падот помагаат да се објасни што се случувало со авионот во кој бил шефот на платеничката група Вагнер, Евгениј Пригожин
Дали приватниот авион со Евгениј Пригожин е урнат и што точно се случило со него?
Изнесени се неколку теории за тоа што може да била причината која го натерала авионот на Пригожин да се сруши на земја додека патувал на релација Москва – Санкт Петербург.
Користејќи ја снимката од несреќата што се појави на интернет, воениот аналитичар и поранешен пилот на Обединетото Кралство, Шон Бел укажува на четири клучни работи кои навестуваат за тоа што веројатно се случило со приватниот авион што се урна во средата вечерта во кој како патник беше наведен Пригожин, пренесува Скај њуз
1. Ракетен напад
Една слика покажува „вител на облак“ кој не е „сместен удобно“ наспроти останатите, вели Бел.
Врз основа на сопственото искуство од летање со борбени авиони, тој објаснува дека ако ракета земја-воздух го погоди авионот, „ќе ја видите таа патека на пареа во последните фази од неговото приближување“.
„Затоа, или тоа може да биде експлозија, или може да биде ракетен систем земја-воздух“, вели тој.
Сепак, американските власти рекоа дека нема информации што укажуваат на лансирање на ракета земја-воздух против авионот.
Прелиминарните американски разузнавачи открија дека авионската несреќа намерно била предизвикана од експлозија.
2. „Патека од чад“ додека авионот паѓа
Се чини дека снимката покажува „патека од чад“ која доаѓа од авионот што паѓа. Бел нагласува нешто што изгледа како трага од чад што доаѓа од остатоците на авионот, околу половина пат до неговото спуштање.
Тој вели дека ова „речиси сигурно не е чад“ и веројатно е „испуштање гориво“.
„Тоа е голема количина, тоа мора да е огромна штета на авионот што го предизвикала тоа“, додава тој.
3 и 4. Недостасува крило или заден дел од авион во воздухот и остатоците на земја
На видео снимката очигледно се гледа како на авионот му недостасува крило
Се чини дека снимката од авионот поблиску до земјата го покажува без крило или задниот дел од авионот, што може да објасни зошто паднал „вертикално, не како што паѓа лист“.
Четвртата точка што ја забележува Бел е дека другите слики од местото на несреќата ја прикажуваат опашката на „некое растојание“ од главниот дел на авионот.
„Сега, која ќе го собереме сето тоа… има многу причини зошто тоа би можело да се случи, но тоа не е природна несреќа“, објаснува Бел.
Остатоци од приватниот авион поврзан со шефот на платениците на Вагнер, Евгениј Пригожин, се видени во близина на местото на несреќата во регионот Твер, Русија, 24 август 2023 година.
Тоа е катастрофа што се случи во воздухот… имаше гласини дека пакет со вино [кој содржел бомба] бил ставен на авионот во последен момент.
„Проблемот со таа теорија е што генерално гледано, [експлозија] внатре во авион ќе избувне кон надвор… додека ракетниот систем земја-воздух или ракетниот систем воздух-воздух генерално се обидува да го најде најсочниот, најмесестиот дел од авион.
„Тоа би објаснило зошто потенцијално може да откорне крило. И штом го стори тоа, судбината на авионот беше запечатена“.
Дали има врска со Путин?
На прашањето зошто – ако тој стои зад несреќата – Владимир Путин не го таргетираше Пригожин порано по краткотрајниот бунт пред два месеци, според Бел „ претседателот Путин оттогаш систематски го распарчува“ бизнисот на шефот на Вагнер.
„Се разбира, пред неколку дена ја видовме последната видео-снимка од Евгениј Пригожин на терен, потенцијално во Африка, сам. Тој не беше опкружен со никој друг, вели Бел. „Одеднаш, Пригожин изгледа малку тажен човек сам и гледа како неговата империја се распарчува. И во таа фаза, повеќето воени аналитичари велат: „ова е крајот“.
Според Бел, Путин се однесува како судија, порота и џелат во исто време.
„На тоа сме наведени да веруваме“, потенцира Бел
Што знаеме досега за тоа што се случи?
Авионот Embraer Legacy 600 патувал од Москва до Санкт Петербург во средата.
Веб-страницата за следење летови Flightradar24 вели дека првпат добила податоци од авионот во 14.46 часот по локално време.
Авионот на Евгениј Пригожин се движел подалеку од Москва и се урнал во близина на Твер. Слика: Flightradar24
Авионот се искачи на крстосувачка височина од 28.000 стапки помеѓу 14.59 и 15.11 часот.
Девет минути подоцна престана да пренесува податоци.
„Иако авионот не пренесуваше информации за позицијата, беа емитувани други податоци како висина, брзина, вертикална брзина и поставки на автопилотот. Токму овие податоци даваат одреден увид во последните моменти од летот“, објави Flightradar24.
Во 15.19 часот, авионот накратко се спуштил пред да се искачи на максимална височина од 30,100 стапки.
Потоа се спушти назад на околу 27.500 стапки, пред да се искачи и потоа повторно да се израмни.
Потоа почна нагло да се спушта, а конечните податоци покажуваат дека е на 19.725 стапки. После тоа се губи од радарот.
Епилогот е познат.
Што и да се случило на небото над регионот Твер вечерта на 24 август, она што Путин сака да го докаже со мистериозната смрт на довчерашниот личен готвач и близок соработник, Евгениј Пригожин е само едно – дека никој не е неопходен.
Подготви: Д. Мишев (ЦивилМедиа)
