Доналд Трамп, првиот поранешен претседател на САД кој е осуден за кривично дело, ќе остане слободен човек додека ја чека пресудата и би можел целосно да избегне затворска казна за фалсификување деловни досиеја за да се прикрие уплатата на пари на една порно ѕвезда.
Еве што е следно за републиканскиот кандидат за претседател против демократскиот претседател Џо Бајден на изборите на 5 ноември, според анализата на агенцијата Ројтерс.
ШТО СЕ СЛУЧУВА СЕГА?
Судијата што претседава со случајот, Хуан Мерчан, мора прво да ја одобри пресудата на поротата и да донесе правосилна пресуда, иако ова е типично формалност.
Мерчан го одреди 11 јули како датум кога ќе се очекува да ја прогласи правослиноста на пресудара, само неколку дена пред официјална номинација на Доналд Трамп за кандидат за претседател на Републиканската партија за изборите на 5 ноември.
Кривичното дело фалсификување деловни документи предвидува максимална казна од четири години затвор, иако осудените често добиваат пократки казни, парични казни или условна казна. Дури и да му биде одреден затвор, тоа законски нема да го спречи Трамп да води кампања или да ја преземе функцијата од затворот ако се случи да победи.
Адвокатите и обвинителите ќе препорачаат казни, а потоа ќе се расправаат околу нив на сослушувањето во судот, после што судијата Мерчан ќе донесе одлука.
ДАЛИ ТРАМП ЌЕ ОДИ ВО ЗАТВОР?
Тоа е малку веројатно. Максималната казна за злосторството на Трамп за фалсификување деловни книги е од една до четири години затвор.
Ретко се случува луѓето без криминална историја кои се осудени само за фалсификување деловни книги да бидат осудени на затвор во Њујорк. Почести се паричните казни или условна казна.
Обвинетите осудени за фалсификување деловни досиеја кои се осудени на време зад решетки обично отслужуваат една година или помалку, па дури и во тие случаи повеќето биле осудени и за други кривични дела како измама или големо кражба – за разлика од Трамп.
Ако биде казнет со парична казна, Трамп би можел да биде ставен во домашен затвор или да биде подложен на полициски час наместо да биде затворен.
Како поранешен претседател, тој има доживотен заштита од Тајната служба, а логистиката за негово чување зад решетки може да биде комплицирана.
Трамп, исто така, би можел да биде ослободен со кауција додека ќе се жали на неговата пресуда.
ДАЛИ ТРАМП МОЖЕ ДА ЈА ЖАЛИ НА ОСУДУВАЊЕТО?
Да. Трамп најверојатно ќе изнесе аргументи што Мерчан ги отфрли пред судењето, вклучително и дека обвинението е правно погрешно и политички мотивирано.
Тој, исто така, веројатно ќе тврди дека Мерчан го лишил од правично судење со правење правни грешки, вклучително и дозволување на лажно сведочење на порно ѕвезда која рече дека имала секс со Трамп – сведочење кое според неговите адвокати злонамерно и со цел да ја разгори поротата против него.
Одбраната најверојатно ќе тврди дека самите обвиненија биле правно несоодветни.
Фалсификувањето деловни записи само по себе е прекршок во Њујорк, но се смета за кривично дело кога е направено за да се помогне во извршување или прикривање на друго кривично дело.
Во овој случај, канцеларијата на Брег соопшти дека другото кривично дело е заговор за кршење на државниот изборен закон.
Но, адвокатите на Трамп тврдат дека државниот закон не се применува на федералните избори.
ДАЛИ ТРАМП СЕШТЕ МОЖЕ ДА БИДЕ ПРЕТСЕДАТЕЛ?
Да. Уставот на САД бара само претседателите да имаат најмалку 35 години и да се родени државјани на САД кои живееле во земјата 14 години.
Во теорија, Трамп би можел да ја положи претседателската заклетва и од затвор на Денот на инаугурацијата, на 20 јануари 2025 година, доколку го победи Бајден.
