Skip to content
Регулаторната комисија за енергетика, водоснабдување и управување со комунален отпад ја донесе најновата одлука со која цените на нафтените деривати во земјата повторно се зголемуваат, во просек за 0,29% во споредба со минатата недела.
Според новите пресметки, од полноќ (11 ноември 2025 година) важат следниве максимални цени:
- ЕУРОСУПЕР БС-95 ќе се продава по 74,50 денари за литар,
- ЕУРОСУПЕР БС-98 ќе чини 76,50 денари за литар,
- ЕУРОДИЗЕЛ (Д-Е V) ќе се продава по 72,00 денари за литар,
- Екстра лесното масло за горење (ЕЛ-1) останува на 69,50 денари за литар,
- Мазут М-1 СУ се намалува и ќе изнесува 36,43 денари за килограм.
Со оваа корекција, бензините поскапуваат за 0,50 денари по литар, а дизелот за 1 денар по литар, додека цената на екстра лесното масло останува непроменета.
Регулаторната комисија објаснува дека промената на цените се должи на движењата на светските берзи и курсот на доларот, кои и понатаму имаат значително влијание врз домашниот енергетски пазар.
Иако станува збор за релативно мало зголемување, ова е второ покачување на горивата во последните две недели, што дополнително ќе влијае врз транспортните трошоци и општите цени на пазарот.
