ССМ ќе ја блокира раскрсницата пред Стопанската Комора во 12 часот

Како што најавивме, втората фаза активности на ССМ заедно со работниците посветени на зголемување на работничките плати продолжува денес, 12.02.2026 година (четврток) со блокада на Стопанската Комора, Организацијата на работодавачи и Бизнис Конфедерацијата. Блокадата ќе започне на раскрсницата пред Стопанската Комора во 12 часот.

Ова е пораката за денеска пред блокадата на Стопанската Комора, Организацијата на работодавачи и Бизнис Конфедерацијата, кои што беа најавени како дела од кампањата на ССМ, да бидат слушнати и прифатени барањата на работниците за зголемување на минималната плата на 600 евра, и за покачување на останатите плати за 6000 денари.

„Да не се грижат, повторно ќе бидеме 21 претставник на синдикатот онолку колку што е потребно согласно законскиот минимум за да излеземе на улица и да ги блокираме. Нема да дозволиме работниците да им мрзнат на газдите на улица, да им мрзнат на пратениците на улица и да и мрзнат на Владата на улица само за да ги блокираат како што овие ги блокираат работниците, некои 36 години, некои две години, а некои една година“, се вели во соопштението на ССМ.

Од ССМ известуваат дека за време на протестот ќе биде обезбедено непречено движење за потребите на Итната медицинска помош, Противпожарната бригада и полицијата, а воедно им се извинуваме на граѓаните кои ќе имаат потреба да се движат во периодот на Блокадата по наведените улици, а секој итен случај ќе биде пропуштен да помине.