Skip to content
Државната изборна комисија (ДИК) денеска ги усвои роковите за одржување на Локалните избори, откако изборите официјално ги распиша претседателот на Собранието, Африм Гаши.
Првиот круг ќе се одржи на 19 октомври, а вториот круг – каде што ќе биде потребно – на 2 ноември. Кампањата за првиот круг ќе трае од 29 септември до 17 октомври, додека за вториот круг ќе заврши на 31 октомври.
Листи на кандидати може да се поднесуваат најдоцна до 13 септември, а жрепката за редните броеви на гласачките ливчиња ќе биде до 25 септември. Јавниот увид во Избирачкиот список ќе трае од 23 август до 11 септември, а ќе биде заклучен на 26 септември.
Општините и Град Скопје имаат рок до 13 август да ги објават локациите за изборни паноа и билборди, а до 29 август и условите за нивно користење. Медиумите треба да се регистрираат за изборното известување до 12 август, а ценовниците да ги достават до 14 август.
Акредитации за набљудувачи ќе се примаат до 9 октомври, а немоќните и болните лица ќе гласаат во домашни услови на 18 октомври, ден пред првиот круг.
