Советничката Невена Георгиевска ќе се кандидира за градоначалник на Карпош

Во претстојната изборна трка за градоначалник на општина Карпош се вклучува и советничката Невена Георгиевска, која доби поддршка од независната граѓанска иницијатива „Независни за Карпош – За заштита на Карпош“.

Георгиевска, која во изминатиот мандат активно се ангажирала во општинските прашања и проекти за локална заедница, најави дека нејзината кампања ќе се фокусира на заштита на животната средина, подобрување на инфраструктурата и зголемување на транспарентноста во локалната власт.

Носител на советничката листа ќе биде Татјана Чакулев од „О2 Иницијатива“, која исто така се посветува на проекти за унапредување на квалитетот на животот во општината. Георгиевска најави дека ќе се залага за активна вклученост на граѓаните во донесувањето одлуки и подобрување на услугите за сите жители на Карпош.

„Нашата цел е Карпош да стане поотворена, почиста и модерна општина, каде гласот на граѓаните ќе биде слушнат,“ изјави Георгиевска при официјалната најавa на кандидатурата.

Иницијативата „Независни за Карпош – За заштита на Карпош“ порача дека ќе ја поддржува Георгиевска со целосна ангажираност на своите членови, со надеж дека со заеднички сили ќе се донесат конкретни и позитивни промени за локалната заедница.