Театар „Чекори“ со нова премиера „Уште еден среќен ден“, според Семјуел Бекет

Театар „Чекори“ денеска ќе ја одржи премиерата на „Уште еден среќен ден“, инспирирана од легендарната драма „Среќни денови“ на Семјуел Бекет, апсурд кој зборува за човекот, неговата судбина и упорноста да се најде светлина дури и во најтемните денови.

Од „Чекори“ велат дека претставата има иновативен концепт кој ја претвора драмата во музичко-визуелна слика на убавите и грдите денови, на човечката осаменост и на упорноста да се продолжи напред. 

Претстава која е и нежна и силна, и тивка и гласна; токму како животот.

Во режија на Снежана Коневски Руси, со Маја Ѓурчевска и Никола Димевски во главните улоги, претставата отвора едно поинакво видување: наместо заробена во хумка, нашата Вини е заробена во костими; сеќавања од десетици години уметничка работа, приказни што тежат, но и носат сила.

Премиерната изведба е вечерва во Домот на културата ,,Димитар Влахов” во Автокоманда, во 20.00 часот, е репризата утре, во истото време.

Тонот и светлото во претставата се на Нина Неделкоска, плакаот на Бранкица Јордановска