Skip to content
Многу луѓе обожаваат сирење во топли сендвичи и сочни плескавици, но експертите предупредуваат дека некои видови сирење може да имаат долгорочни негативни ефекти врз здравјето на срцето.
Иако практични, овие производи често содржат состојки кои не се безбедни при редовна консумација.
Диететичарката Лори Вокер објаснува дека преработените сирења, како што се познатите парчиња преработено сирење, содржат висок процент на натриум и заситени масти.
„Преработените сирења се полни со натриум и заситени масти, што може да ја покачи крвниот притисок и да го зголеми ризикот од мозочен и срцев удар“, вели таа за „SheFinds“.
За разлика од природните сирења кои се направени од неколку основни состојки, преработените сирења содржат емулгатори, конзерванси и додадена сол.
Редовната консумација може да има негативни последици
Вокер дополнително посочува дека големите количини заситени масти во овие сирења ја зголемуваат концентрацијата на LDL холестерол, познат како „лош“ холестерол.
„Високото ниво на холестерол може да биде резултат од преголема консумација на преработени сирења, кои се богати со масти што го поттикнуваат неговото зголемување“, додава таа.
Со текот на времето, ова може да доведе до таложење плак во артериите и зголемување на ризикот од сериозни срцеви заболувања.
Покрај тоа, високата содржина на калории и масти може да придонесе за зголемување на телесната тежина, што е уште еден фактор на ризик.
„Големите количини масти и калории можат да доведат до зголемување на телесната тежина, што го зголемува ризикот од срцеви заболувања“, предупредува Вокер.
Повремен топол сендвич нема да наштети, но честата консумација на вакво сирење може да има негативни последици. Наместо тоа, се препорачуваат поздрави алтернативи, како моцарела или ементалер, кои содржат помалку адитиви и сол.
