Skip to content
Фудбалската суперѕвезда Кристијано Роналдо, најбогатиот човек во светот Илон Маск и многу други беа меѓу гостите на вечерата што ја организираше американскиот претседател Доналд Трамп во Белата куќа во чест на саудискиот престолонаследник Мохамед бин Салман.
Португалецот, кој постигна над 950 гола во својата кариера, игра за Ал Наср од Саудиска Арабија. Тимот, со кој Роналдо има договор до 2027 година, е во мнозинска сопственост на Саудискиот јавен инвестициски фонд.
Илон Маск се појави со Трамп по втор пат откако двајцата имаа сериозна расправија претходно оваа година. Милијардерот претходно ја финансираше изборната кампања на републиканците и беше близок со него.
Извршниот директор на „Nvidia“, Јенсен Хуанг, исто така беше меѓу гостите.
Маск и Хуанг ќе бидат меѓу учесниците во дискусијата за напредокот во вештачката интелигенција, што ќе се одржи на американско-саудискиот инвестициски форум во Вашингтон денес, објави и „Ројтерс“.
