Skip to content
Суплементот никотинамид, форма на витамин Б3 што слободно се продава во аптеки, може значително да го намали ризикот од одредени типови рак на кожа кај луѓе кои веќе ја имале болеста, покажуваат најнови истражувања објавени во JAMA Dermatology.
Анализата опфатила речиси 34.000 пациенти во американскиот систем за ветерани, од кои над 12.000 земале по 500 мг никотинамид двапати дневно најмалку еден месец. Кај нив бил забележан 14% помал ризик од нови случаи на рак на кожа, а кај оние со претходна историја на болеста – намалувањето било уште поизразено (54%), особено кај сквамозен карцином на кожа.
Истражувачите велат дека овие резултати би можеле да ја променат медицинската практика – наместо суплементот да се препорачува дури откако пациентите ќе развијат повеќе тумори, да почне да се користи порано.
Сепак, студијата покажа дека лицата со ослабен имунитет, како оние што примиле трансплантација, не секогаш имаат значајна корист, што укажува дека е потребно прецизно идентификување на групите кои најмногу ќе профитираат од оваа терапија.