Skip to content
Автомотосојузот на Македонија (АМСМ) утринава информира дека сообраќајот на државните патишта генерално се одвива непречено, иако коловозите се влажни поради обилните дождови во изминатите часови.
Пренасочување на сообраќајот кај Калковска Река
Вчера, на 28 ноември, околу 17:45 часот, повторно надојдените води на Калковска Река предизвикаа прекин на сообраќајот на регионалниот пат Р1105, на делницата меѓу селата Јосифово и Пирава. Поради непроодноста на патот, движењето на сите видови моторни возила е пренасочено кон магистралниот пат А1, од село Удово кон село Марвинци.
АМСМ апелира возачите да бидат претпазливи, особено на критичните делници каде што е можно повторно надоаѓање на водотеци поради најавените врнежи.
Зимска опрема задолжителна
Од 15 ноември 2025 година е во сила законската обврска возачите да поседуваат соодветна зимска опрема во своите возила, независно од моменталните временски услови. Оваа обврска важи до 15 март 2026 година.
АМСМ потсетува дека соодветната опрема е неопходна за безбедно возење, особено во периоди на ниски температури, влажни коловози и можни врнежи од снег.
