Битиќи: Апсурдно е да растат цените во услови на ниска инфлација, тоа е одраз е манупилација

„Никаде во светот, ако ги читате економските теории, не постои ваков раст на цени во услови на ниска инфлација. Сѐ е ова одраз, можеби, на манипулација. И државата овде е најповикана да одговори соодветно, твдри пратеникот Фатмир Битиќи во интервју за Рацин.мк.

Битиќи вели дека ако Законот за нефер трговски практики почне да се спроведува на конзистентен начин, цените ќе бидат намалени најмалку за 30%, ќе се вратат назад.

„Владата не може да биде нема на ценовните шокови затоа што го имате механизмот. Ако правилата се јасни и некој манипулира со нив затоа што нашол простор, мала врата за сето тоа да го прави, за да профитираат одредени кругови“, посочува пратеникот Фатмир Битиќи, кој во претходната Влада беше вицепремиер за координација со економските ресори.

Според него, актуелната Влада нема желба и визија како да се справиме и со растот на минималната плата и со ценовните шокови коишто секојдневно ги гледаме.

„А ние што гледаме сега? Секојдневни превирања. Немало капацитет, па каде тоа, кој ќе го спроведе… чекај, капацитети… Не, не, не. Владата има механизми. Денеска да почнат за седум дена ќе се стави ред. Само со спроведување на законот за нефер трговски практики. Не е природно да очекувате да Владата ги поддржува граѓаните за бојкот“, истакнува во интервјуто за Рацин.мк Фатмир Битиќи.