Бојкот и за пекарниците: Бурекот станува луксуз во Хрватска

Во Хрватска се подготвува масовен бојкот на пекарниците и пекарските производи, инициран од платформата „Ало инспекторе“, а лидерот на платформата, Јосип Келемен, порача дека „бојкотот продолжува“, а покрај него беше и матурантот Борна, кој најави дека и младите ќе се вклучат во протестот против енормното зголемување на цените.

„Бурекот некаде поскапе и за 100 отсто. Тоа не е само студентска храна, туку и за градежници и работници“, изјави Келемен.

Според него, високите цени не ги засегаат само пекарските производи, туку и облеката, обувките и канцеларискиот материјал.

„Бојкотот на трговските синџири за две и пол недели го намали прометот за околу 100 милиони евра. Но, политичарите веќе не го поддржуваат“, вели Келемен.

Младите масовно се приклучуваат на протестот, со сè повеќе иницијативи во училиштата за бојкотирање на продавниците и другите услужни дејности.

Граѓаните бараат намалување на цените и јасни мерки од надлежните. Дали овој бран на незадоволство ќе доведе до конкретни промени, останува да се види.