Skip to content
СДСМ денеска на прес конференција упати апел до претседателката Гордана Сиљановска Давкова да не ги потпишува указите за Законите за полиција и внатрешни работи.
Апелот во име на партијата го упати потптретседателката на СДСМ Ана Чупеска на прес конференција на која соопшти дека тој е мотивиран од неверојатна лежерност со која власта протурка скандалозни и опасни измени, кои го укинуваат професионализмот во полицијата и ја претвораат во партиски инструмент на принуда, или милиција која ќе биде под директна команда на Министерот за внатрешни работи.
За опозициската партија ова упорно и навалентно инсистирање полицијата да се партизира по секоја цена, создава сериозни ризци за безбедноста во државата, а воедно врши и атак врз самите граѓани, порача Чупедска.
„Со новите таканаречени закон, министерот Тошковски добива неограничена моќ и значително проширени дискрециони овластувања. Сега, тој ќе може да предлага директор на БЈБ, он најшироките области на општествени науки – што е невиден преседан кој цели кон целосно хендикепирање на професионализмот во МВР“, беше предупредено од ова обраќање до јавноста.
Чупеска истакна дека со овие законски измени сега министерот за внатрешни работи сам ќе може да поставува началници на Сектори за внатрешни работи и командири, без тие да исполнуваат основни критериуми за стаж, без да имаат искуство или претходно постигнати резултати.
Дополнително, сметаат од СДСМ, бришат и основните професионални критериуми за раководни позиции, што отвора широк простор за инсталација на партиски кадри без соодветно оперативно искуство.
„Го избришале и условот кој децидно предвидува извесен број на години на искуство и стаж за напредување на највисоките раководни позиции – што значи дека, началник може да стане било кој што му е по ќејф на министерот, па дури и да е штотуку вработен приправник. Ова е апсолутно неприфатливо за позиции кои бараат огромно искуство и лидерски вештини и претставува директно депрофесионализирање на полицијата. Оттука, јасно е почитувани, дека овие измени не се во правец на заштита на слободите и правата на граѓаните , туку на партијата“, укажа Чупеска.
На прес конференцијата Чупеска посочи на тоа декаовие измени се во директна спротивност со клучните стандарди за полиција на Советот на Европа, посебно со Европскиот кодекс на полициска етика кој промовира важниот принцип: за оперативна независност на полицијата од политички влијанија и бара професионален и меритократски систем на управување.
„Особено загрижувачки, за нас, се и одредбите кои отвораат простор за масовно следење преку биометриски податоци, и тоа без јасно утврден надзор. Ова, е спротивно на Општата уредба за заштита на податоци (Gеneral Dаta Protection Rеgulation), поточно на европската регулатива“, нагласи потпретседателката на СДСМ.
Уште пострашна интервенција, сметаа во оваа партија, е избришаната одредбата со која беше предвидено дека полициски службеници осудени со правосилна пресуда за кривични дела кои предвидуваат минимум шест месеци затвор дека по закон им престанува работниот однос.
„Со елиминација на оваа норма, де факто, широко се отвора врата за инсталација на криминални структури на раководни позиции во министерствот. Па така, оние кои до вчера биле гонети од полицијата сега ќе може да им станат шефови на оние кои си ја работата чесно работата. Сите овие опасни, недемократски и антиевропски измени не можат да водат кон ништо друго освен кон тотална партизација, зголемена репресија и уривање на човековите права, накратко, водат кон полициска држава“, оцени Ана Чупеска.
Таа оцени дека „ова не е се закони, туку легалзиација на еден манифест на авторитаризам“.
„Таканаречените закони се длабоко комромитирачки, неевропски и поради тоа што предвидоа укинувањето на регионалните центри за гранични работи, што е чекор до укинување на граничната полиција. И ова во контекст на соработка со Frontex е високо ризичен потег. Бидејќи, Граничната полиција, мора да има посебен статус и оперативна независност“, рече Чупеска.
За СДСМ, пратениците на ДПМНЕ не само што гласаа за партизација на полицијата, туку станаа и соучесници во растурањето на најважниот дел од безбедносниот систем: полицијата, односно МВР. А, ова министерство е меѓу клучните одговорни за суверенитетот на државата, беше нагласено на прес конференцијата.
Бидејќи законите се веќе усвоени во Собранието, Социалдемократскиот сојуз, јавно ја повикува претседателката на државата Гордана Силјановска-Давкова да не ги потпише овие скандалозни, недемократски и антиевропски документи.
„Ние, сме длабоко сме убедени дека Претседателката има и сила и волја да застане на страната на уставноста, на демократијата и особено на страна ма мерит систем за кој знаеме дека неуморно се залафа. Сега има неповторлива шанса ова да го покаже и на дело. Прво, бидејќи овој закон не е реформа, туку е како што кажав : манифест на авторитаризам и брз рецепт за злоупотреба“, сметаат од СДСМ.
Ударот врз полицијата и професионалците во неа е удар и врз безбедноста на граѓаните, врз демократскиот поредок, конечно, врз суверенитетот на државата, беше кажано од партиската говорница.
„Освен апелот до претседателката, кој денес го упатуваме од оваа говорница, ние, како парламентарна опозиција, ќе доставиме и официјални детални и референцијални елаборација за овие стравични решенија, и до амбасадите на ЕУ; САД; до ОБСЕ и Советот на Европа, но и до другите релевантни домашни и меѓународни институции, со цел да алармираме за овие крајно непримерни и загрижувачки чекори на власта“, беше соопштено на прес конференцијата. „Нема тивко и бесчујно да дозволиме оваа власт да ја претвори полицијата во партиска милиција, односно државата да ја претвори во полицика држава“, порача Ана Чупеска, потпретседателката на СДСМ.
