Денес топло и сончево, од вторник дожд

Временската прогноза за утрово предвидува дека ќе биде студено, додека во текот на денот не очекува сонце и повисоки температури со мала до умерена локална облачност и слаб јужен ветер.

Минималната температура ќе биде во интервал од -5 до 0, а максималната ќе достигне од 17 до 23 степени Целзиусови.

Во Скопје ќе биде сончево и топло со слаб јужен ветер. Минималната температура ќе се спушти до -1, а максималната ќе достигне до 23 степени.

Според УХМР, топлото и стабилно време ќе се задржи до утре, а во вторник кон крај на денот и во текот на ноќта кон среда се очекуваат локални врнежи од дожд, наместа поројни, проследени со појава на грмежи и засилен јужен ветер. Услови за локален дожд ќе има и во среда и четврток во претпладневните часови.