Skip to content
Обновената Комисија за заштита на конкуренцијата започна со примената на казни за нефер трговски практики од почетокот на оваа година, со висина до 20.000 евра за утврдени неправилности во договорите помеѓу производители, добавувачи и трговци. Ова беше потврдено од заменик-министерот за економија и труд, Марјан Ристески.
Законот за нефер трговски практики, кој е во функција по директива на ЕУ од 28 септември, предвидува строги мерки за регулирање на односите помеѓу трговците и добавувачите, а процесот на мониторинг што траеше до крајот на 2024 година сега преминува во активно спроведување на парични казни. Ристески истакнува дека Комисијата за конкуренција ќе врши проверки на сите договори, и каде ќе бидат утврдени неправилности, казните ќе изнесуваат 20.000 евра.
Законските измени се однесуваат на 2.546 производи по тарифен број, а досега се идентификувани 26 нефер трговски практики. Примената на законот треба да ја регулира праксата на големите рабати, кои досега се движеле од 35 до 40 проценти, а сега се ограничени на 10 проценти на годишно ниво. Со ова се очекува стабилизација на цените на производите, што ќе биде во интерес на крајните потрошувачи.
Овој закон има големо значење за Македонија, бидејќи се спроведува по европска директива и треба да служи како пример за другите земји на Западен Балкан.
