Дрвокрадци нападнале шумски полицајци во Велес – Еден се заканувал со моторна пила

Четворица велешани, меѓу кои и малолетник, се приведени по напад врз тројца припадници на шумската полиција во близина на езерото Младост.

Приведените се на возраст од 18, 36 и 57 години, а со нив било и дете. Инцидентот се случил додека полицајците извршувале службени задачи на земјен пат кон селото Ветерско.

Според официјалните информации, осомничениот Б.З. употребил остар предмет, нанесувајќи повреди на двајца полицајци, З.З. и Б.К., кои биле хоспитализирани во болницата во Велес. Осумнаесетгодишниот В.В. се заканувал со вклучена моторна пила, додека С.З. и малолетникот држеле дрвени предмети.

Напаѓачите побегнале со автомобил, но набрзо биле приведени од полицијата и задржани во станица.

За случајот е известен јавен обвинител, а по завршувањето на истрагата ќе бидат поднесени соодветни кривични пријави.