Едвард Џозеф: Северна Македонија е заложник на етно-националистички проблеми

Експертот за управување со конфликти, Едвард Џозеф, на четвртиот панел од конференцијата насловена „Историја и иднина на бескомпромисната посветеност на демократијата, човековите права и медиумските слободи“, посочи дека има одговор на потешкотиите на Балканот.

„Сега доаѓаме од центарот на НАТО каде разговаравме со заменик секретарот на Алијансата, Радмила Шеќеринска, поентата е дека не треба да се навлегува во сето ова толку длабински, туку да бидете конкретни, да се постави прашањето што треба да направи НАТО, вели Џозеф. Можам да кажам дека Балканот беше тема на денот кога бевме таму. Мојот совет е да бидете проактивни и да понудите идеи. Иимате право дека САД можат да научат многу од регионот. Балканот е предводник, нештата прво тука се случуваат па потоа на другите места“, рече Џозев.

Според Џозеф, Северна Македонија е заложник на етно националистички проблеми за кои не е виновна. Преспанскиот, со кој се поддржува суверенитетот и се заштити јазикот, го овозможи патот до НАТО НАТО. „Сега имате вето од Бугарија, која не се придржува до Договорот за пријателство, јасно е дека пречката не е во земјата“.

За Џозеф не може да има демократски стабилен Балкан со андидемократска Србија.

„Тоа нема да функционира. Решението е Косово, Србија ја одржува оваа позиција поради искористување на прашањето со Косово. Сето ова немаше да се случи, земјите не напредуваат кон ЕУ поради тоа што Европа е поделена на прашањето за Косово“, рече Џозеф.

Едвард П. Џозеф, предавач во Џонс Хопкинс SAIS специјализиран за управување со конфликти, е водечки американски глас на Балканот. Со 12-годишно искуство на терен за време на конфликтите во Босна, Хрватска, Косово и Македонија, тој одигра клучни улоги, вклучително и во преговорите за договор од 2012 година меѓу Приштина и Белград. Ветеран и поранешен армиски пилот, тој е автор на влијателни извештаи за Балканот и има дипломи од Џонс Хопкинс SAIS и Правниот факултет на Универзитетот во Вирџинија.