Груби тврди дека не избегал, само патувал приватно во Косово

Артан Груби ги отфрли тврдењата дека избегал од државата, објаснувајќи дека неговото патување е за приватна цел и дека сите процедури биле испочитувани.

„Денеска патував за приватна посета“, изјави Груби, додавајќи:

„Ве молам, немојте да измислувате и шпекулирате. Редовно патував со моите патни исправи и за ова е известено и моето лично полициско обезбедување. Веднаш штом ги завршам обврските, ќе се вратам дома при моето семејство.“

Изјавата доаѓа по гласините дека Груби ја напуштил државата во нејасни околности, кои тој категорично ги негира.