И Македонија ќе се приклучи кон бојкот на маркетите?

Во последната недела, Балканот е сведок на серија протести и бојкоти кои се одржуваат како реакција на драстичните поскапувања на цените на основните производи и услуги. Во Хрватска, граѓаните организираа масовен протест, изразувајќи незадоволство од високите трошоци за живот. Овој протест која ја намали продажбата во макретите за 50 отсто во еден ден ги инспирираше и соседните земји да преземат слични акции.

Во Македонија, за овој петок се најавува голем бојкот на големите маркети, како реакција на драстичното поскапување на цените. Организаторите повикуваат граѓаните да се воздржат од купување и користење услуги на маркетите, со цел да испратат јасна порака до одговорните за оваа економска состојба.

Абе ај стварно да организираме бојкот на маркети, кафани, ресторани … многу сме шупаци само ние ќутиме цел Балкан тера некоја активност.

— AristoCat (@AristoCat221) January 27, 2025

Во Босна и Херцеговина, граѓаните најавија бојкот на супермаркетите и продавниците за 31 јануари, со цел да испратат јасна порака до властите за потребата од намалување на цените. Овој потег е директно инспириран од успешната граѓанска акција во Хрватска.

Слични иницијативи се најавени и во Црна Гора, каде граѓаните планираат да се воздржат од купување во супермаркетите и да избегнуваат помалите маркети на 31 јануари. Целта е да се испрати порака дека граѓаните не ги толерираат нереалните поскапувања.

Овие акции се дел од пошироката балканска реакција на економските предизвици со кои се соочуваат земјите од регионот. Граѓаните бараат одговорност и конкретни мерки од властите за справување со економските проблеми и намалување на цените на основните производи и услуги.