И утрово во Скопје не се дише, четврти најзагаден град во светот

Скопје утрово се најде на четвртото место на листата на најзагадени градови во светот, со индекс на загаденост од 187, според податоците од платформата IQAir.

Смогот и загадениот воздух, кои се постојан проблем во зимските месеци, повторно предизвикуваат загриженост кај жителите на главниот град. Густата магла и високиот процент на PM2.5 честички го отежнуваат дишењето, особено за хронично болните лица, децата и постарите.

Според премиерот Христијан Мицкоски проблемот не можел веднаш да се реши, потребно било да се изградат гасни централи и да се намали употребата на фосилни горива, но тоа ќе одземе минимум три години.

Скопјани, како и секоја година, остануваат со маски на лицата и со прашањето: „Дали конечно ќе видиме реални чекори за решавање на овој долгогодишен проблем?“