Изгоре сопственикот на куќата во вчерашниот пожар во Велес

Во пожарот што избувна синоќа во Велес, загина маж, сопственик на куќата на ул. „Љубен Весов“ бр. 54. И покрај брзата интервенција на Територијалната Противпожарна Единица Велес, која стигна на местото на настанот со две возила и пет пожарникари, не успеа да го спаси сопственикот.

Според информациите од ТППЕ Велес, по пристигнувањето, пожарот бил веќе во развиена фаза во една од просториите на куќата, каде било пронајдено безживотното тело на жртвата.

Лекарска екипа од Брза помош била повикана во 19:40 часот, но, за жал, само констатирала смрт.