Skip to content
На синоќешната седница на Централниот одбор СДСМ прифати значајна кадровска реорганизација со цел консолидација на партиските редови.
За членови на Централниот и Извршниот одбор се избрани Соња Стаменкова, Слободен Чокревски, Богданка Кузеска, Тања Илијовска и Рубин Земон.
Андреј Жерновски е именуван за нов секретар за меѓународна соработка, Зоран Трифуновски, поранешен директор на Македонски железници – Инфраструктура, ја презема функцијата втор организациски секретар, а Александар Давчевски е поставен на чело на Градската организација Скопје по оставката на Ѓорѓи Галетановски.
Овие промени сугерираат обид на Филипче да го опкружи лидерството со доверливи кадри кои можат да го амортизираат притисокот од внатрепартиското незадоволство и да воспостават нова хиерархиска структура.
Партијата најави дека на 7 јуни 2026 година ќе се одржи 32. Конгрес на СДСМ, кој ќе има исклучиво програмски карактер.
Основата за новата програма е „Предлог-платформата“ презентирана од Венко Филипче, која треба да помине низ широка дебата со членството.
Како стратешки потег за враќање на меѓународниот легитимитет, на 6 јуни 2026 година во Скопје е закажан состанок на „Скопската иницијатива“. На овој настан се очекува присуство на сестрински социјалдемократски партии од регионот, со кои ќе се потпише заедничка декларација за борба против авторитарни режими и корупција, како и за забрзување на интеграцијата во Европската Унија.